CALENDARIO / Calendario Cinquepani AL

01 lug 2025

07 Korrik 2025

1

2025

KORRIK

E MARTË

Atëherë Zoti lëshoi

mbi Sodomën e Gomorrën, në formë

të shiut,

sulfur e zjarr

1/7 E MARTË GJ. V. [I]

Zan 19,15-29; Ps 25; Mt 8,23-27

Atëherë Zoti lëshoi mbi Sodomën e Gomorrën, në formë të shiut, sulfur e zjarr Zan 19,24

"Një vepër e madhe mëshire" nga Zoti që shpëtoi Lotin nga ai zjarr. Atij i duhej të ikte nga ato qytete: nuk kishte rrugë tjetër për të shpëtuar veten. Për këtë arsye më mësuan që në fëmijëri të “ikja nga rastet e menjëhershme të mëkatit”, që të mos mbytem e të mos rrënohem prej tyre.

2

2025

KORRIK

E MËRKURË

Zoti e dëgjoi

zërin e djalit

2/7 E MËRKURË GJ. V. [I]

Zan 21,5.8-20; Ps 33; Mt 8,28-34

Zoti e dëgjoi zërin e djalit Zan 21,17

Vetë Zoti e kishte urdhëruar Abrahamin që ta largonte Ismaelin, ashtu siç dëshironte Sara. Ai Vetë do të ishte kujdesur për të dhe nuk do ta lejonte vdekjen e tij në shkretëtirë. Burri dhe gruaja do ta ruajnë unitetin e tyre, me koston e pranimit të arsyeve të gabuara të bashkëshortit. Zoti do të jetë i pranishëm, gati për të kryer mrekulli.

3

2025

KORRIK

Sh.Toma

E ENJTE

Lum ata që nuk panë

e besojnë!

3/7 E ENJTE SHËN TOMA AP. [P]

Ef 2,19-22; Ps 116; Gjn 20,24-29

Lum ata që nuk panë e besojnë! Gjn 20,29

Kur Toma deklaroi besimin e tij në hyjninë e Jezusit të ringjallur, Ky i fundit me delikatesë nuk mungoi ta qortojë atë. Tani e tutje ai do të ketë një nderim të madh për të gjithë ata që besojnë me fjalën e vëllezërve të tyre, pa e prekur dhe parë, siç kishte pretenduar përkundrazi.

4

2025

KORRIK

Sh. Elizabeta e Portugalisë

E PREMTE

Sepse unë nuk erdha

të ftoj të drejtët

4/7 E PREMTE GJ. V. [I]

(pf: Sh. Elizabeta e Portugalisë, † 1336)

Zan 23,1-4,19; 24,1-8,62-67; Ps 105; Mt 9,9-13

Sepse unë nuk erdha të ftoj të drejtët Mt 9,13

O Jezus, kështu u përgjigjesh kritikave të farisenjve, të cilët nuk e miratonin sjelljen Tënde. Nëse Hyji do të mirëpriste vetëm të drejtët dhe nuk do të kishte mëshirë për mëkatarët, Ai do të mbetej vetëm: askush nuk mund të shëlbohej. Farisenjtë e konsideronin veten të denjë dhe për këtë arsye përçmonin dashurinë e Hyjit për mëkatarët. Nuk ka mëkat më të keq se ky. Ti, o Jezus, u jep atyre mundësinë që të përulen gjithashtu.

5

2025

KORRIK

Sh. Antoni Maria Zakaria

E SHTUNË

Qoftë bekuar

kush të bekoftë ty

5/7 E SHTUNË GJ. V. [I]

(Sh. Antoni Maria Zakaria, mesht., †1539)

Zan 27,1-5,15-29; Ps 134; Mt 9,14-17

Qoftë bekuar kush të bekoftë ty Zan 27,29

Kështu përfundon bekimi i Izakut, i moshuar dhe i verbër, për djalin e tij Jakobin. Fakti që ai u mashtrua nuk ia pakëson bekimin. Janë të njëjtat fjalë që Hyji i tha Abrahamit dhe përmbushen plotësisht për ata që bekojnë – për ata që flasin mirë për Jezusin: kështu je i bekuar, i dashur nga Hyji, i lum.

6

2025

KORRIK

Sh. Maria Goreti

E DIEL

Gëzohuni

pse emrat tuaj janë

të shkruar në qiell

6/7 E DIEL GJ. V. Viti C [II]

(pf. Sh. Maria Goretti, virgj. e mart., † 1902)

Is 66,10-14; Ps 65; Gal 6,14-18; Lk 10,1-12,17-20

Gëzohuni pse emrat tuaj janë të shkruar

në qiell Lk 10,20

Kur të shtatëdhjetë e dy dishepujt u kthyen nga misioni i tyre i parë, ishin të lumtur si kurrë ndonjëherë: kishin përjetuar fitoren mbi djajtë! Ata, njerëz të shkretë, të parëndësishëm për botën, mund t’u ishin aq shumë të dobishëm të vuajturve. Megjithatë, Jezusi ua korrigjon gëzimin. Ka një arsye më të vlefshme dhe më kostante për t'u gëzuar: fakti i të qenurit të dashur prej Atit!

7

2025

KORRIK

Sh. Asti

E HËNË

Megjithatë eja,

vëre dorën mbi të

7/7 E HËNË GJ. V. [II]

(p. Sh. Asti, ip. e mart. rreth. 100)

Zan 28,10-22; Ps 90; Mt 9,18-26

Megjithatë eja, vëre dorën mbi të Mt 9,18

Ai është një nga udhëheqësit që i lutet Jezusit për vajzën e tij që po i vdes. Jezusi bindet dhe shkon me të. Pse të gjithë i drejtohen Jezusit në vend që t'u drejtohen njerëzve të tjerë, udhëheqësve të popullit ose Herodit ose zyrtarëve perandorakë? Të gjithë shohin ku ka dashuri, dhe është pikërisht aty që vepron Hyji.

8

2025

KORRIK

E MARTË

E pashë Perëndinë

faqe faqas

8/7 E MARTË GJ. V. [II]

Zan 32,23-33; Ps 16; Mt 9,32-38

E pashë Perëndinë faqe faqas Zan 32,31

Pasi luftoi me një personazh të çuditshëm, Jakobi e kupton se ai ka qenë ballë për ballë me Perëndinë. Ai është i habitur që është ende gjallë. Ai kishte patur përvojën e Hyjit si armik, e madje pikërisht Ai e shpëtoi atë.

9

KORRIK

2025

Sh. Agustin Zhao Rong dhe Shokët martirë kinezë E MËRKURË

Predikoni:

Mbretëria e qiellit

është afër!

9/7 E MËRKURË GJ. V. [II]

(pf: Sh. Agustin Zhao Rong mesh dhe Shokët martirë kinezë, † 1648-1930)

Zan 41,55-57; 42,5-7,17-24; Ps 32; Mt 10,1-7

Predikoni: Mbretëria e qiellit është afër! Mt 10,7

Të predikosh do të thotë të japësh një shpallje zyrtare. Është lajm zyrtar: fillon një mënyrë e re jetese, një shoqëri e re, një politikë e re. Kur vjen Jezusi, gjithçka ndryshon. Ne mund të jetojmë si vëllezër, mund të shikojmë njëri-tjetrin me simpati, mund ta ndihmojmë njëri-tjetrin pa frikë, mund t'i besojmë njëri-tjetrit reciprokisht.

10

2025

KORRIK

E ENJTE

Falas morët,

falas edhe jepni

10/7 E ENJTE GJ. V. [II]

Zan 44,18-21.23-29; 45,1-5; Ps 104; Mt 10,7-15

Falas morët, falas edhe jepni Mt 10,8

Ky udhëzim nga Jezusi është i lehtë për t'u mësuar përmendësh. Më kujtohet gjithashtu kur dikush dëshiron të më shpërblejë për aktet e mia të dashurisë. Unë do të doja t'i thoja atij: bindju edhe ti Jezusit dhe mirëprite se je i dashur lirisht. Edhe kjo është lavdia e Hyjit!

11

2025

KORRIK

Sh. Benedikti

E PREMTE

Edhe kushdo

që të lërë shtëpi...

do të marrë njëqind

për një

11/7 E PREMTE SHËN BENEDIKTI PAJTOR I EVROPËS [P]

(Sh. Benedikti, † 547, Pajtor i Evropës)

Fu 2,1-9; Ps 33; Mt 19,27-29

Edhe kushdo që të lërë shtëpi... do të marrë njëqind për një Mt 19,29

Shën Benedikti aq shumë e ka dashur Jezusin saqë e parapëlqente Atë para të afërmve të tij, para pasurisë, ndaj një karriere të lakmueshme për njerëzimin. Më pas, ai ua propozoi të gjithë ndjekësve të tij këtë dashuri ekskluzive për Jezusin. Në këtë mënyrë, një qytetërim i ri është përhapur në të gjithë Evropën, duke sjellë mirëqenien e vërtetë për njerëzit.

12

2025

KORRIK

E SHTUNË

Madje edhe të gjitha

fijet e flokëve të kresë

suaj janë të

numëruara

12/7 E SHTUNË GJ. V. [II]

Zan 49,29-33; 50,15-26; Ps 104; Mt 10,24-33

Madje edhe të gjitha fijet e flokëve të kresë suaj janë të numëruara Mt 10,30

Jezusi po i qetëson dishepujt e Tij. Ata nuk duhet t'i dorëzohen frikës, nuk mund të kenë frikë nga asgjë dhe askënd. Frika do ta nxirrte besimin nga zemrat e tyre dhe do t'i pengonte ata të jepnin dëshmi për dashurinë e Atit për bijtë e Tij. As përballë kërcënimit me vdekje nuk do të ketë vend për frikë tek ata që e duan Jezusin!

13

2025

KORRIK

E DIEL

Shko ‑ i tha Jezusi -

e bëj edhe ti kështu!

13/7 E DIEL GJ. V. Viti C [III]

Lp 30,10-14; Ps 18; Kol 1,15-20; Lk 10:25-37

Shko ‑ i tha Jezusi ‑ e bëj edhe ti kështu! Lk 10,37

Historia e Kishës, e lashtë dhe e kohëve të fundit, është plot me njerëz të bindur ndaj kësaj Fjale të Jezusit. Samaritani, edhe pse feja e tij nuk ishte e plotë, pati një bamirësi të vërtetë, dëshmi autentike e dashurisë së Atit për çdo person që vuan fizikisht dhe për ata që vuajnë për shkak të mëkatit. Do të ketë një mundësi edhe për mua...

14

2025

KORRIK

Sh. Kamil de Lelis

E HËNË

Kush e do të atin e të

ëmën më shumë se

mua, nuk është i

denjë për mua

14/7 E HËNË GJ. V. [III]

(pf: Sh. Kamil de Lelis, mesh., † 1614)

Dal 1,8-14,22; Ps 123; Mt 10,34 - 11,1

Kush e do të atin e të ëmën më shumë se mua, nuk është i denjë për mua Mt 10.37

Kushdo të do Ty, o Jezus, ka një dashuri të vërtetë, të thellë e të lirë ndaj të gjithëve, dhe një dashuri të shenjtë për të dashurit e tyre. Kush të do Ty përdor zemrën Tënde për t'u dhënë prindërve të tyre mençuri të vërtetë dhe një dashuri pa lajka të rreme. Kushdo që të do Ty, merr Shpirtin e Shenjtë dhe ua transmeton atyre që i afrohen!

15

2025

KORRIK

Sh. Bonaventura

E MARTË

Atëherë zuri

t’i qortojë qytetet...

15/7 E MARTË GJ. V. [III]

(p: Sh. Bonaventura, ip. e mës. i K., † 1274)

Dal 2,1-15; Ps 68; Mt 11,20-24

Atëherë zuri t’i qortojë qytetet... Mt 11,20

O Jezus, Ti je i aftë të qortosh. Qortimi Yt tregon dashurinë Tënde të sinqertë dhe të vërtetë. Banorët e qyteteve, të cilët kishin parë mrekullitë e Tua, u kënaqën me një besim të lidhur me shëndetin e trupit dhe nuk të besuan që të interesoheshin për Mbretërinë e Qiejve. Të kërkonin shërim, por nuk të dhuronin zemrën dhe bindjen e tyre.

16

2025

KORRIK

Virgjëra Mari e Malit Karmel

E MËRKURË

Askush s’mund ta

njohë Atin,

përveç Birit

16/7 E MËRKURË GJ. V. [III]

(pf: Virgjëra Mari e Malit Karmel)

Dal 3,1-6,9-12; Ps 102; Mt 11,25-27

Askush s’mund ta njoh Atin, përveç Birit Mt 11,27

Ne do të qëndrojmë pranë Teje, o Jezus, që të mund ta njohim Atin Tënd, prej të Cilit edhe ne marrim jetën e që edhe ne gjithashtu e quajmë Atë. Ti jo vetëm që na tregon për Të, por na tregon dashurinë e Tij dhe madje na lejon të marrim pjesë në Të, në mënyrë që ta njohim nga përvoja!

17

2025

KORRIK

E ENJTE

Merrni mbi vete

zgjedhën time

17/7 E ENJTE GJ. V. [III]

Dal 3,13-20; Ps 104; Mt 11,28-30

Merrni mbi vete zgjedhën time Mt 11,29

A keni parë dy kafshë nën të njëjtën zgjedhë? Nuk ndahen, shkojnë në të njëjtin drejtim, bëjnë të njëjtën përpjekje. Jezusi na fton të qëndrojmë me Të, të ndajmë misionin e Tij, të ecim me Të, domethënë të jetojmë bindjen e Tij ndaj Atit. Nuk mund të marr ftesë më të bukur se kjo!

18

2025

KORRIK

E PREMTE

Vallë a nuk keni

lexuar ç’bëri Davidi

18/7 E PREMTE GJ. V. [III]

Dal 11,10 - 12,14; Ps 115; Mt 12,1-8

Vallë a nuk keni lexuar ç’bëri Davidi? Mt 12,3

O Jezus, Ti na bën të vëmendshëm kur lexojmë Shkrimet e Shenjta. Ato gjithashtu na tregojnë përjashtime të mundshme ose të nevojshme nga rregullat. Mbreti David, në fakt, u bind duke bërë mosbindje. Ai nuk iu bind shkronjës së Ligjit, për t'iu bindur dashurisë për të cilën ia dha Ati. Çdo rregull ka si qëllim dashurinë për njeriun, dashurinë e pastër dhe të shenjtë.

19

2025

KORRIK

E SHTUNË

I urdhëroi që të mos

e shpallnin

19/7 E SHTUNË GJ. V. [III]

Dal 12,37-42; Ps 135; Mt 12,14-21

I urdhëroi që të mos e shpallnin Mt 12,16

Për çfarë duhej të heshtin? Se të gjithë ishin shëruar. Farisenjtë kishin vendosur ta vrisnin dhe nuk do ta ndryshonin mendimin e tyre edhe sikur të kishin ditur për këto shërime të reja. Heshtja, përkundrazi, i ndihmon ata që janë shëruar të reflektojnë dhe ta njohin identitetin e vërtetë të Jezusit.

20

2025

KORRIK

E DIEL

Vërtet, Maria zgjodhi

pjesën më të mirë

20/7 E DIEL GJ. V. Viti C [IV]

Zan 18,1-10; Ps 14; Kol 1,24-28; Lk 10:38-42

Vërtet, Maria zgjodhi pjesën më të mirë Lk 10,42

Jemi në Betani, në shtëpinë e Martës. Jezusi duhet t'i përgjigjet pikërisht asaj, asaj që i flet keq për motrën e vet. Ndersa Jezusi e bekon këtë motër, përkundrazi e propozon atë si shembull, sepse dashuria e saj është më e qëndrueshme dhe më e pastër se ajo e Martës, e cila mendonte për nevojat materiale.

21

2025

KORRIK

Sh. Lorenci nga Brindizi

E HËNË

Për ju

do të luftojë Zoti!

21/7 E HËNË GJ. V. [IV]

(pf: Sh. Lorenci nga Brindizi, mesh. e mës. K., † 1619)

Dal 14,5-18; Ps nga Dal 15; Mt 12,38-42

Për ju do të luftojë Zoti! Dal 14,14

Moisiu inkurajon njerëzit që janë shumë të frikësuar, duke qenë ndjekur nga ushtria e faraonit. Rruga e njerëzve është bindja ndaj Zotit, prandaj pa frikë: Ai do të ndërhyjë për t’i mbrojtur dhe çliruar ata që ndjekin urdhrat e Tij.

22

2025

KORRIK

Sh. Maria Magdalenë

E MARTË

Po ngjitem tek Ati im

e Ati juaj

22/7 E MARTË SHËN MARIA MAGDALENË [P]

Kk 3,1-4 ose 2Kor 5,14-17; Ps 62; Gjn 20,1-2.11-18

Po ngjitem tek Ati im e Ati juaj Gjn 20,17

Një shenjte e veçantë, Maria Magdalanë, sepse Vetë Jezusi i besoi asaj një detyrë të veçantë. Ajo është në lot kur e dëgjon Atë të thirrur për emër dhe e njeh Atë të ringjallur nga të vdekurit. Ai e ngarkon atë që t'u shpallë apostujve ringjalljen dhe ngjitjen e Tij me fjalë të reja: ato zbulojnë se tani e tutje Hyji Atë nuk do të identifikohet më me emrin e Abrahamit, por me Atë të Jezusit dhe të Kishës.

23

2025

KORRIK

Sh. Brigita

E MËRKURË

Kush mbetet në mua...

ai jep shumë fryt

23/7 E MËRKURË SH. BRIGITA PAJTORJA E EUROPËS [P]

Gal 2,19-20; Ps 33; Gjn 15,1-8

Kush mbetet në mua... ai jep shumë fryt Gjn 15,5

Në festën e Shën Brigitës, pajtorja e Europës, dëgjojmë këto Fjalë të Jezusit. Ai është Pema e mirë nga i Cili rrjedhin frytet e paqes, dashurisë, përvuajtërisë, butësisë dhe qëndresës. Prandaj, ne do të qëndrojmë të bashkuar me Të, si degët e hardhisë, me këmbëngulje, që jeta jonë të jetë e dobishme për gëzimin dhe paqen e botës.

24

2025

KORRIK

Sh. Sharbel Makhlüf

E ENJTE

Ja unë po vij te ti

në një re të dendur

24/7 E ENJTE GJ. V. [IV]

(pf: Sh. Sharbel Makhlüf, mesh., † 1898)

Dal 19,1-2,9-11,16-20; Ps Dan 3,52-56; Mt 13,10-17

Ja unë po vij te ti në një re të dendur Dal 19,9

Hyji e siguron Moisiun. Ai do t'i flasë atij nga një re: njerëzit do ta shohin renë, dhe kështu ata do të besojnë se ai transmeton vullnetin e Hyjit. Por, për t’i dëgjuar Fjalët hyjnore nga buzët e Moisiut, të gjithë njerëzit do të duhet të pastrohen. Ja pse ata që rrëfehen shpesh dëgjojnë më me dëshirë dhe me fryt më të madh Fjalën e Zotit!

25

2025

KORRIK

Sh. Jakobi

E PREMTE

Jeta e Jezusit

të shfaqet

në trupin tonë

25/7 E PREMTE SHËN JAKOBI AP. [P]

2Kor 4,7-15; Ps 125; Mt 20,20-28

Jeta e Jezusit të shfaqet në trupin tonë 2Kor 4,10

Kjo ndodh kur ne marrim pjesë në vdekjen e Jezusit! Kështu thotë Shën Pali. Jakobi është i pari nga apostujt që ka marrë pjesë në mundimin e Zotit, kur Herod Agripa ia preu kokën. Me besnikëri të vazhdueshme ndaj Jezusit, ne do të jemi dëshmitarë se është Ai që jep jetën e vërtetë dhe të plotë, burim dashurie dhe shenjtërie.

26

2025

KORRIK

Sh. Prenda

E SHTUNË

Do t’i zbatojmë

të gjitha fjalët

që i tha Zoti

26/7 E SHTUNË GJ. V. [IV]

(Prenda virgj. e mart., shek. II )

Dal 24,3-8; Ps 49; Mt 13,24-30

Do t’i zbatojmë të gjitha fjalët që i tha Zoti Dal 24,3

Populli, ende në shkretëtirë, i përgjigjet me këtë premtim Moisiut, i cili kishte shkruar fjalët e Zotit. Si Fjalët e Hyjit ashtu edhe ato të njerëzve më pas sanksionohen me gjakun e kafshëve të flijuara. Ky gjak është një profeci e Atij të derdhur në kryq nga Jezusi: ne marrim vullnetin për t'iu bindur çdo Fjale të Hyjit nga flijimi i Tij!

27

2025

KORRIK

E DIEL

Ati qiellor do t’u japë

Shpirtin Shenjt atyre

që ia kërkojnë

27/7 E DIEL GJ. V. Viti C [I]

Zan 18,20-32; Ps 137; Kol 2,12-14; Lk 11,1-13

Ati qiellor do t’u japë Shpirtin Shenjt atyre që ia kërkojnë Lk 11,13

Jezusi na mëson të lutemi. Ai kujdeset që lutja jonë të jetë efikase. Prandaj, do të jetë një lutje pa hezitim, këmbëngulëse dhe mbi të gjitha e drejtuar mirë. Ne nuk do të kërkojmë gjëra të kota, por ato që janë të nevojshme sikurse buka: do t'i kërkojmë Atit Shpirtin e Shenjtë!

28

2025

KORRIK

E HËNË

Do të zbuloj gjëra

të fshehura që nga

krijimi i botës

28/7 E HËNË GJ. V. [I]

Dal 32,15-24.30-34; Ps 105; Mt 13,31-35

Do të zbuloj gjëra të fshehura që nga krijimi i botës Mt 13,35

Mateu na referon fjalë profetike për të na ndihmuar të kuptojmë shëmbëlltyrat e Jezusit. Me këto Jezusi e bën Veten të njohur: është Ai për të Cilin Hyji Atë e krijoi botën, i destinuar të presë Mbretërinë e Qiejve. Dhe ja që, me ardhjen e Tij, fillon Mbretëria.

29

2025

KORRIK

Sh. Marta, Maria e Lazri

E MARTË

Hyji është

Dashuri

29/7 E MARTË SH. MARTA, MARIA E LAZRI [P]

1Gjn 4,7-16; Ps 33; Gjn 11,19-27 ose Lk 10,38-42

Hyji është Dashuri 1Gjn 4,16

Kjo zbulesë na ndihmon të festojmë shenjtërit Marta, motrën e saj Marinë dhe Lazrin. Jezusi ndihej i qetë në shtëpinë e tyre, aq sa sillte aty edhe dishepujt e Vet. Hyji ishte i pranishëm aty, sepse mbretëronte një dashuri e thjeshtë dhe e pastër: sikurse ajo dashuri që dëgjon, te Maria, ajo që mirëpret, te Lazri dhe ajo që shërben, pikërisht te Marta.

30

2025

KORRIK

Sh. Pjetër Krizologu

E MËRKURË

Mbretëria e qiellit

është e ngjashme

me thesarin

30/7 E MËRKURË GJ. V. [I]

(pf: Sh. Pjetër Krizologu, ip. e mës. i K., † 450)

Dal 34,29-35; Ps 98; Mt 13,44-46

Mbretëria e qiellit është e ngjashme me thesarin Mt 13,44

O Jezus, Ti na ofron një shëmbëlltyrë tjetër për të na bërë ta duam Mbretërinë e Qiejve dhe na ndihmon ta realizojmë. Ti je thesari i gjetur në fushë gjatë punës së vështirë. Kur zbulova se po të shërbeja me mundin e punës së rëndë, fillova ta dua dhe ta dëshiroj këtë punë si një thesar të çmuar. Askush nuk e di, por Ti e di, dhe unë kam gëzim të plotë!

31

2025

KORRIK

Sh. Injaci i Lojolës

E ENJTE

Lavdisë së Zotit

që e kishte mbushur

Banesën

31/7 E ENJTE GJ. V. [I]

(Sh. Injaci i Lojolës, mesh., † 1556)

Dal 40,16-21,34-38; Ps 83; Mt 13,47-53

Lavdisë së Zotit që e kishte mbushur Banesën Dal 40,35

Moisiu iu bind udhëzimeve të Hyjit në çdo gjë. Ai e shfaqi praninë e Tij brenda asaj tende, në të cilën ishte e vendosur arka me rrasat e dëshmisë. Ky Vendbanim do t'i shoqërojë njerëzit dhe në Të lavdia e Hyjit do ta bëjë Moisiun të dëgjojë Fjalë të dëgjuara tashmë dhe Fjalë të reja, të Cilat ai do t'i raportojë popullit. Ai që mëson në Mbretërinë e Qiejve do të bëjë të njëjtën gjë: do të thotë atë që ka marrë dhe atë që ka përjetuar vetë.