CALENDARIO / Calendario Cinquepani AL

01 mar 2025

03 MARS 2025

2025

MARS

E SHTUNË

I bekoi duke vënë

duart mbi ta

1/3 E SHTUNË GJ. V. [III]

Sir 17,1-15; Ps 102; Mk 10,13-16

I bekoi duke vënë duart mbi ta Mk 10,16

Jezusi gëzohet kur prindërit i sjellin fëmijët e tyre; i përqafon me dëshirë dhe i bekon. Ata e lënë veten të duhen: Jezusi mund të mbretërojë mbi ata që janë si fëmijët, sepse janë të thjeshtë dhe të përulur, të përshtatshëm për të bashkëpunuar me Të.

2

2025

MARS

E DIEL

Nuk është nxënësi

më i aftë se mësuesi

2/3 E DIEL GJ. V. Viti C [IV]

Sir 27,4-7; Ps 91; 1Kor 15,54-58; Lk 6:39-45

Nuk është nxënësi më i aftë se mësuesi Lk 6,40

Jezusi kishte shpallur lumturitë, dashurinë për armiqtë, mëshirën, faljen. Ai e di se është Mësuesi dhe Zoti, dhe mund ta thotë me të vërtetë, sepse vjen nga Ati. Ai e drejton të verbrin në mënyrë që të mos bjerë në hendek, ai mund të heqë lëmishten nga syri ynë sepse nuk ka tra në syrin e tij! Lum ata që e lejojnë veten të udhëhiqen nga Ti me përvuajtëri!

3

2025

MARS

E HËNË

Jezusi e shikoi ëmbël,

i pëlqeu

3/3 E HËNË GJ. V [IV]

Sir 17,24-29; Ps 31; Mk 10,17-27

Jezusi e shikoi ëmbël, i pëlqeu Mk 10,21

O Jezus, Ti i do të gjithë njerëzit dhe e fikson shikimin mbi ta. Ai njeri që vrapoi drejt Teje do të ishte gati për Mbretërinë Tënde: në fakt mëkati nuk e kishte prishur. Do të kishte mjaftuar që ai ta çlironte zemrën e tij nga dashuria për pasurinë për ta mbushur me Tënden, "Mësues i mirë". Në këtë Vit jubilar, do të Të japim gëzim, o Zoti ynë, me aderimin tonë të patundur ndaj Teje.

4

2025

MARS

Sh. Kazimiri

E MARTË

Ja, ne lamë çdo gjë

e erdhëm pas teje

4/3 E MARTË GJ. V. [IV]

(pf: Sh. Kazimiri, † 1484)

Sir 35,1-15; Ps 49; Mk 10,28-31

Ja, ne lamë çdo gjë e erdhëm pas teje Mk 10,28

Është bukur të dëgjosh dikë të thotë se e ndjek Jezusin! Por a është tamam e vërtetë? Pjetri e ndoqi Atë, por me pritjen thellë-thellë të një shpërblimi. Dashuria e tij nuk ishte falas. Jezusi e siguron gjithsesi: shpërblimi do të vijë, edhe më i mirë se sa mund të mendojë, edhe nëse do të shoqërohet me përndjekje!

5

2024

MARS E MARTË

2025

E MËRKURA E PËRHIME

Lutju Atit tënd

që është në fshehtësi

5/3 E MËRKURA E PËRHIME GJ. V. [IV]

Jl 2:12-18; Ps 50; 2Kor 5,20 - 6,2; Mt 6,1-6,16-18

Lutju Atit tënd që është në fshehtësi Mt 6,6

Ne fillojmë Kreshmën, një kohë në të cilën Kisha na fton të jemi të vëmendshëm ndaj mënyrës se si praktikojmë veprat e mira. Një prej tyre është lutja. Ne do të lutemi vërtet, por duke mësuar nga Jezusi, i Cili tërhiqej në vende të izoluara vetëm me Atin. Ne gjithashtu do të jemi në intimitet me Atin, i Cili do të derdhë dashurinë e Tij në ne dhe do të na përtërijë.

6

2025

MARS

E ENJTE

Birit të njeriut i duhet

të pësojë shumë

6/3 E ENJTE PAS TË PËRHIMES [IV]

Lp 30,15-20; Ps 1; Lk 9:22-25

Birit të njeriut i duhet të pësojë shumë LK 9,22

Kisha, nëna jonë, në fillim të udhëtimit të Kreshmës na jep këtë Fjalë, këtë zbulesë të Jezusit. Në udhëtimin e jetës, ku është Kreshma që na çon në Pashkën e vërtetë të përjetshme, do të mund të vuajmë me Jezusin, lirisht, pa trishtim.

7

2025

MARS

Sh. Perpetua Sh. Feliçita

E PREMTE

Ai do të përgjigjet:

“Këtu jam!”

7/3 E PREMTE PAS TË PËRHIMES [IV]

(p: Sh. Perpetua dhe Feliçita, mart, † 202-203) Is 58,1-9; Ps 50; Mt 9,14-15

Ai do të përgjigjet: “Këtu jam!” Is 58,9

Zoti sheh sesi burrat praktikojnë agjërimin. Prandaj e urdhëron profetin të bërtasë: "Kjo nuk është mënyrë për të agjëruar!". Ai donte të thoshte: Ma neveritni! Ju agjëroni për të lënë përshtypje të mirë para meje, por shoh që nuk doni, nuk keni mëshirë për ata që vuajnë nga uria dhe skllavëria. Kur të pendoheni, unë do t'ju përgjigjem "Ja ku jam" dhe do t'ju bëj të gëzoheni në praninë time si Shëlbues!

8

2025

MARS

Sh. Gjoni i Hyjit

E SHTUNË

Zoti do të të prijë

gjithmonë

8/3 E SHTUNË PAS TË PËRHIMES [IV]

(Sh. Gjoni i Hyjit rregulltar, †1550)

Is 58,9-14; Ps 85; Lk 5:27-32

Zoti do të të prijë gjithmonë Is 58,11

Koha e Kreshmës është një kohë rindërtimi, ripërtëritjeje, rikrijimi i jetës sonë sipas planit të Atit. Ai thërret ne mëkatarët për të na lejuar që Ai të na përqafojë dhe të na falë. Ai dëshiron të na mbajë duart dhe të shndërrojë gishtin tonë tregues në një dorë të shtrirë për të gjithë vëllezërit tanë, me bujari.

9

2025

MARS

E DIEL

Adhuro Zotin,

Hyjin tënd

9/3 E DIEL K. K. Viti C [I]

Lp 26,4-10; Ps 90; Rom 10,8-13; Lk 4:1-13

Adhuro Zotin, Hyjin tënd Lk 4,8

Dje dëgjuam premtimin: "Zoti do të të prijë gjithmonë”. Sot ne i përgjigjemi dashurisë së Tij duke e adhuruar vetëm Atë, domethënë duke e vendosur Atin mbi të gjitha dëshirat, konsideratat, motivet, ndjenjat, dyshimet tona... Dhe kjo sepse Ai është Ati ynë, dhe ne, si Jezusi dhe me Jezusin, si fëmijët e dashur prej Tij, ne e duam në çdo situatë, për të njohur dhe kapërcyer çdo tundim.

10

2025

MARS

E HËNË

Ejani të bekuarit

e Atit tim!

10/3 E HËNË K. K. [I]

Lev 19,1-2,11-18; Ps 18; Mt 25,31-46

Ejani të bekuarit e Atit tim! Mt 25,34

Sa shumë dëshiron, o Jezus, t'i thuash këto fjalë, t'i hapësh qiellin, krahët e Tu të gjithëve, kur para Teje "do të mblidhen të gjithë popujt"! Ti gëzohesh kur sheh çdo akt dashurie ndaj atyre që vuajnë. Ti e sheh atë si dashuri që të drejtohet, edhe kur personi që e bën këtë nuk e din, sepse as nuk të njeh.

11

2025

MARS

E MARTË

U shenjtëroftë

Emri yt

11/3 E MARTË K. K. [I]

Is 55,10-11; Ps 33; Mt 6,7-15

U shenjtëroftë Emri yt Mt 6,9

Edhe unë do të kem dëshirën që në jetën time të mund ta shoh shenjtërinë e Atit, i Cili dëshiron t'u sjellë dobi të gjithëve, "të këqinjve dhe të mirëve", dhe t'i mbledhë rreth Birit të Tij Jezus. Ai dëshiron të shohë mendimet e Tij edhe në ne, për të dëgjuar nga ne fjalët e Tij dhe për të njohur dashurinë e Tij në çdo gjë që bëjmë.

12

2025

MARS

E MËRKURË

Këtu është Dikush më

i madh se Salomoni!

12/3 E MËRKURË K. K. [I]

Jb 3,1-10; Ps 50; Lk 11:29-32

Këtu është Dikush më i madh se Salomoni! Lk 11,31

Jezusi e di se gjithçka në Shkrim flet për Të: edhe Solomoni, mbreti i mençur, mbreti i paqes, është një imazh i Tij. Dhe Ai vetëm pret që të jetë në gjendje të sjellë dritë, mençuri dhe paqe në jetën tonë: Ai pret që besimi ynë të lulëzojë!

Faleminderit, o Jezus, sepse i plotëson kërkesat e mia, madje edhe ato më të thellat, dhe më jep paqen Tënde.

13

2025

MARS

E ENJTE

Sepse vetë veten

po e vë në rrezik

13/3 E ENJTE K. K. [I]

Es 4,17 n.p-r.aa-bb.gg-hh; Ps 137; Mt 7,7-12

Sepse vetë veten po e vë në rrezik Es 4,17r

Mbretëresha Ester, në lutjen e saj të përzemërt për njerëzit në rrezik, lavdëron Hyjin e Abrahamit. Ajo është në ankth dhe e ndjen veten në rrezik vdekjeje, por me përulësi dhe plotësisht beson te Zoti. Ai do t'i përgjigjet lutjes së saj, të paraprirë nga ditë agjërimi dhe e mbështetur nga guximi i madh, do t’i shfaqë praninë e Tij ndihmuese.

14

2025

MARS

E PREMTE

Shko e pajtohu më

parë me vëllain tënd

14/3 E PREMTE K. K. [I]

Ez 18,21-28; Ps 129; Mt 5,20-26

Shko e pajtohu më parë me vëllain tënd

Mt 5,24

Bashkimi me Zotin nënkupton bashkim me afërmit, me të gjithë bijtë e Tij. Kështu është edhe në familje: një nënë ose baba nuk ndihet plotësisht i dashur dhe në bashkim me fëmijët e tyre që janë në mosmarrëveshje me njëri-tjetrin. "Shko e pajtohu më parë me vëllain tënd". Leximet e kohës së Kreshmëve na nxisin të hedhim hapin e parë... Dhe atëherë të gjithë do të këndojnë: aleluja!

15

2025

MARS

E SHTUNË

Për t’u bërë

bijtë e Atit tuaj

15/3 E SHTUNË K. K. [I]

Lp 26,16-19; Ps 118; Mt 5,43-48

Për t’u bërë bijtë e Atit tuaj Mt 5,45

Fëmijët e marrin jetën, atë biologjike, nga prindërit e tyre dhe u ngjajnë atyre. Kështu, unë jam një fëmijë i Hyjit Atë plotësisht kur pranoj mënyrat e Tij të të bërit gjëra dhe i ngjaj Atij, duke falur dhe dashur lirisht, pa përjashtuar askënd.

Faleminderit, o Jezus, për dhuratën e të qenurit në gjendje të jetosh si fëmijë i Hyjit, si Ti!

16

2025

MARS

E DIEL

Ndërsa po lutej,

fytyra iu shndërrua

16/3 E DIEL K. K. Viti C [II]

Zan 15,5-12,17-18; Ps 26; Fil 3,17 - 4,1; Lk 9:28-36

Ndërsa po lutej, fytyra iu shndërrua Lk 9,29

Në të dielën e dytë të Kreshmës soditim Shndërrimin e Jezusit. Këtë vit është Luka, ungjilltari i mëshirës dhe i lutjes, ai që na e tregon. “Ndërsa po lutej”: pikërisht gjatë lutjes, ajo e vërteta, e përvuajtura, e disponueshmja, që Ati mund të ndryshojë edhe “fytyrën” tonë: gradualisht na bën më të ndritur dhe më të gëzuar.

17

2025

MARS

E HËNË

Ati juaj është

i mëshirshëm

17/3 E HËNË K. K. [II]

(p: Sh. Patricio, ip., † 461)

Dan 9,4-10; Ps 78; Lk 6:36-38

Ati juaj është i mëshirshëm Lk 6,36

I mëshirshëm është ai që ka për zemër të mjerët. Ne kemi një Baba që, si një baba i vërtetë, apo një nënë e vërtetë, na sheh të mjerë, gjithmonë, duke vuajtur pak a shumë për shkak të egoizmit dhe krenarisë që ne mbartim si bijë të Adamit. Ai na do, ai dëshiron të na ngrejë lart; ai e bën këtë duke na dhënë gjithçka që ka: Jezusin, të pranishëm dhe aktiv në Kishën e Tij.

18

2025

MARS

Sh.Çirli

i Jerusalemit

E MARTË

Sepse keni vetëm

një Udhëheqës,

Krishtin!

18/3 E MARTË K. K. [II]

(p: Sh. Çirili i Jerusalemit, ip. e mës. K., † 386)

Is 1,10.16-20; Ps 49; Mt 23,1-12

Sepse keni vetëm një Udhëheqës, Krishtin! Mt 23,10

Jezusi po flet me turmën e me dishepujt dhe gjithashtu më thotë mua, neve, familjeve, famullisë: "Keni vetëm një Udhëheqës, Krishti". Kur të kemi vetëm Atë udhëheqës dhe do t'i bindemi, do të kemi gëzim, paqe dhe çdo të mirë. Faleminderit, o Jezus, për Kishën Katolike, për shërbimin e katekistëve dhe priftërinjve, dhe se si, nëpërmjet tyre, na udhëheq me siguri në zgjedhjet e jetës për të ndërtuar Mbretërinë Tënde.

19

2025

MARS

1. JOZEFI FATI I MARISË VIRGJËR

E MËRKURË

A nuk e dinit se më

duhet të merrem me

punët e Atit tim?

19/3 E MËRKURË SHËN JOZEFI, FATI I SHËN MARISË VIRGJËR [P]

2Sam 7,4-5.12-14.16; Ps 88; Rom 4,13.16-18.22;

Mt 1,16.18-21.24 ose Lk 2,41-51

A nuk e dinit se më duhet të merrem me punët e Atit tim? Lk 2,49

Këto fjalë të Jezusit, drejtuar Marisë dhe Jozefit, zbulojnë pjekurinë e Tij në marrëdhënien e Tij me Atin qiellor. Ato ndriçojnë marrëdhëniet midis prindërve dhe bijve. Edhe për ta, këto janë gjithmonë një dhuratë nga Hyji. Prindërit do ta dëgjojnë Atë për t'i ndihmuar ata të zbulojnë dhe të jetojnë vullnetin e Tij. Etërit dhe nënat kanë një mision gjithnjë e më të çmuar ndërsa fëmijët e tyre rriten. Jozefi e bëri atë për Jezusin me heshtje të pasur me lutje.

20

2025

MARS

E ENJTE

Qoftë bekuar ai që

shpreson në Zotin

20/3 E ENJTE K. K. [II]

Jer 17,5-10; Ps 1; Lk 16:19-31

Qoftë bekuar ai që shpreson në Zotin

Jer 17,7

Jo ata që arrijnë të bëjnë gjëra të mëdha, të admiruar nga njerëzit, madje as në Kishë, por ata që "shpresojnë në Zotin" janë të bekuar, janë të pëlqyer për Atin, të mirëpritur në zemrën e Tij: ata do të marrin dashurinë e Tij, ata do të jetë instrumenti i Tij. Në Ungjill, Jezusi na tregon për Lazrin e gjorë, i cili besoi te Zoti për vite me radhë dhe tani gëzon bekimin më të vërtetë!

21

2025

MARS

E PREMTE

Kjo është vepër

e Zotit

21/3 E PREMTE K. K. [II]

Zan 37,3-4,12-13,17-28; Ps 104; Mt 21,33-43,45-46

Kjo është vepër e Zotit Mt 21,42

Ndonjëherë ne e kemi të vështirë për ta përsëritur këtë lavdërim. Megjithatë Hyji është me të vërtetë Ati për ne: një nga një, Ai i njeh të gjitha momentet e jetës, edhe ato që na duken si "fatkeqësi"; do t'i marrim nga duart e Tij. Kur të jetojmë me këtë besim, do të zbulojmë dashurinë e fshehur të Atit: ashtu si Jozefi, i shitur nga vëllezërit e tij, zbuloi se kjo fatkeqësi ishte bërë një bekim pikërisht për ta, dhe kështu Jezusi, i vënë në kryq nga udhëheqësit e popullit, u ofroi atyre me Gjakun e Tij mundësinë e shëlbimit.

22

2025

MARS

E SHTUNË

Do të çohem e do të

shkoj tek im atë

22/3 E SHTUNË K. K. [II]

Mik 7,14-15.18-20; Ps 102; Lk 15,1-3,11-32

Do të çohem e do të shkoj tek im atë

Lk 15,18

Ashtu si biri, për të cilin flet shëmbëlltyra, edhe unë vuaj kur distancohem nga dashuria e Atit, kur jetoj në shtirje, në gjykim ndaj të tjerëve dhe në egoizëm. Por, me lutjet e vëllezërve dhe të shenjtërve, me pendim, edhe Shpirti i Shenjtë kthehet tek unë, dhe marr guxim dhe besim për t'u kthyer në ngrënien e bukës së mëshirës së Atit.

23

2025

MARS

E DIEL

Zotëri,

lëre edhe këtë vit

23/3 E DIEL K. K. Viti C [III]

Dal 3,1-8,13-15; Ps 102; 1Kor 10,1-6,10-12; Lk 13.1-9 (ose leximet e vitit A)

Zotëri, lëre edhe këtë vit Lk 13,8

Ati ynë është pafundësisht i mirë dhe i durueshëm! Pasi na e dha Birin, të kryqëzuar dhe të ringjallur për ne, na e lë “edhe këtë vit”. Jezusi, në fakt, i gjallë në Kishën e Vet, po punon shumë për secilin prej nesh: Ai shpreson të shohë ndonjë fryt, të banojë në ne sa më shpejt të jetë e mundur. Kështu vdekja jonë nuk do të jetë një fatkeqësi, si vdekja e atyre që u vranë në tempull nga ushtarët e Pilatit ose të mbetur nën rrënojat e kullës së Siloesë.

24

2025

MARS

E HËNË

Por, ai kaloi

përmes tyre e vijoi

rrugën e vet

24/3 E HËNË K. K [III]

2Mbr 5,1-15; Ps 41-42; Lk 4:24-30

Por, ai kaloi përmes tyre e vijoi rrugën e vet

Lk 4,30

Jezus, Ti gjithashtu deshe t'i ofrosh popullit Tënd të Nazaretit dhuratën e marrë nga Ati, për të cilën sapo kishe lexuar te Isaia: "Shpirti i Zotit është mbi mua...". Por për ta mbete vetëm “i biri i marangozit”. Nuk donin të Të njihnin, as të mirëpritën, në fakt donin të Të vrisnin. Ti vendos gjithçka në zemrën e Atit dhe vazhdon udhëtimin Tënd vetëm me Të dhe dishepujt e Tu.

25

2025

MARS

Lajmërimi i Zotit

E MARTË

Do të quhet Biri

i Hyjit tejet të lartë

25/3 E MARTË LAJMËRIMI I ZOTIT [III]

Is 7,10-14; 8.10c; Ps 39; Heb 10,4-10; Lk 1:26-38

Do të quhet Biri i Hyjit tejet të lartë Lk 1,32

Jezus, Ti i je lajmëruar Marisë si Biri i Tejet të Lartit, Bir i Hyjit, Zot, Zot i qiellit dhe i tokës. Do të marrësh mish e gjak prej saj, do të pushosh në barkun e saj, do të bësh hapat e parë duke shtrirë duart e Tua të vogla drejt saj. Të adhuroj, o Jezus, Hyji im, kaq i dashur me njeriun që të bëhesh Biri i saj, aq sa të duash të kesh nevojë për të.

26

2025

MARS

E MËRKURË

Zoti, Hyji ynë, është pranë nesh

26/3 E MËRKURË K. K. [III]

Lp 4,1,5-9; Ps 147; Mt 5,17-19

Zoti, Hyji ynë, është pranë nesh Lp 4,7

Po, Zoti Hyji dhe Ati ynë është pranë nesh, sa herë që e thërrasim Atë. Kjo është arsyeja pse ne e dëgjojmë Atë dhe vëzhgojmë Fjalët e Tij. Jeta jonë do të bëhet një zbulim i urtësisë dhe mirësisë së Tij, kështu që edhe ata që nuk e njohin ende do ta kërkojnë!

27

2025

MARS

E ENJTE

Erdhi ndër ju

Mbretëria e Hyjit

27/3 E ENJTE K. K. [III]

Jer 7,23-28; Ps 94; Lk 11:14-23

Erdhi ndër ju Mbretëria e Hyjit Lk 11,20

Jezusi kishte dëbuar një demon memec dhe memeci filloi të flasë: Mbretëria e Hyjit erdhi! Kushdo që banon në këtë Mbretëri, në fakt, do të flasë dhe do të shpallë dashurinë e Atit dhe do të jetë në gjendje ta njohë dashurinë e Tij në çdo ngjarje; domethënë, Ai do të jetë në gjendje ta bekojë dhe të mësojë të jetojë në bashkim të gëzueshëm me të afërmit e tij.

28

2025

MARS

E PREMTE

Zoti Hyji ynë,

është një Zot i vetëm

28/3 E PREMTE K. K. [III]

Oz 14,2-10; Ps 80; Mk 12,28-34

Zoti Hyji ynë, është një Zot i vetëm

Mk 12,29

Jezusi i përgjigjet një udhëheqësi fetar i cili e pyeti "cili urdhërim është i pari i të gjitha urdhërimeve?", mbi të cilin bazohen të gjitha të tjerat. Përgjigja e Jezusit është e vetmja që ne ndjejmë se është e vërtetë dhe çliruese. Ne do t'i jetojmë urdhërimet si përgjigje dashurie ndaj Atij që na do. Jeta personale, familjare dhe shoqërore do të udhëhiqet nga dashuria për të vetmin Zot që na është zbuluar në Jezusin.

29

2025

MARS

E SHTUNË

Kush përvujtërohet,

do të lartësohet

29/3 E SHTUNË K. K. [III]

Oz 6,1-6; Ps 50; Lk 18,9-14

Kush përvujtërohet, do të lartësohet

Lk 18,14

Është përfundimi i një shëmbëlltyre të bukur të Jezusit: dy njerëz po luten; njeriu ia paraqet Hyjit veprat e mira, por me krenari, duke përçmuar të afërmin; tjetri, duke mos guxuar as të ngrejë lart shikimin, e njeh mjerimin e tij dhe kërkon mëshirë.

Faleminderit, o Jezus: mund të ndërhysh në jetën e dishepujve të Tu dhe t'i "lartësosh" kur të gjesh përvuatëri në zemrat e tyre.

30

2025

MARS

E DIEL

Ky i pranon

mëkatarët

dhe po ha me ta

30/3 E DIEL K. K. Viti C [IV]

Joz 5,9.10-12; Ps 33; 2Kor 5,17-21; Lk 15,1-3.11-32 (ose leximet e vitit A)

Ky i pranon mëkatarët dhe po ha me ta

Lk 15,2

Zemra e Jezusit është e njëjtë me atë të Atit: Ai dëshiron me zell që ata që janë larguar prej Tij të kthehen; e pret krahëhapur. Jezusi i mirëpriti ata mëkatarë që "i afroheshin për ta dëgjuar". Ishte gëzimi i Tij më i madh, sepse pikërisht për ata, pra për secilin prej nesh, Ai u mishërua, vdiq dhe u ringjall! Sot është me të vërtetë një festë: gëzim në qiell dhe në tokë!

31

2025

MARS

E HËNË

Shko ‑ i tha Jezusi -

djali yt është

shëndosh

31/3 E HËNË K. K [IV]

Is 65,17-21; Ps 29; Gjn 4:43-54

Shko ‑ i tha Jezusi ‑ djali yt është shëndosh Gjn 4,50

Ai zyrtar i mbretit e besoi këtë Fjalë dhe u nis për në shtëpi... Me gëzim të madh ai pa që ajo Fjalë e Jezusit ishte realizuar. Çdo Fjalë e Jezusit është një hir, edhe kur jepet nga një atë shpirtëror ose një afërm: ajo e lejon dikë të ecë me fe dhe, në kohën e duhur, ta prekë me dorë veprën e Jezusit. Ai është me të vërtetë i gjallë dhe vazhdon të dojë edhe në një mënyrë të mrekullueshme.